ارسلت مكتوبي
يا للـي ملكـت الحــروف . . . ارسـلـت لـــك مـكتوبـي
اشكرك من قـاع الجـوف . . . دامِ قـــدرك منصــــوبـي
جيتـك والقلبِ مشـغوف . . . يــا حبــيــب القلـــوبــي
البــــي بكـــل الظـــروف . . . لــو انــي قالـــب ثوبــي
امشي حافي ما اشوف . . . دام الــداعـي محبوبــي
ما جيـت بدرع وسيــوف . . . جيـــتك كلـــي بعيوبــي
لا يهـم نـــايف ونــــــوف . . . ومـن هم اللــي حكوبي
همـــــني رد المعـــروف . . . ومــن قيـدني بعرقــوبي
ابشـر يا عــادل وتشوف . . . هـذا حبــري مســكوبي
غالـي والطـلب مدفــوف . . . وغنيــت لــك بسـلوبـي
العينـــك بنثــــر حـــروف . . . روح المشاعــر صــوبــي
بالإحالة اسمك محـذوف . . . وبصفحتــك محــجــوبـي
سجلت نكـن مصــفــوف . . . واسمي فيها منسوبـي
قصائد واشعار / ماجد بن حسن
