ثارت
مشاعر
ثـارت مشاعر جوفـي من غيـر بارود
عـلى ورق قرطـاس مــن مـا حصـله
هزت خفـوقي همــوم والحـظ مقرود
يــــالله دخــيلك مــن خفــايــا تــذله
مفتونه روحي في عشق لين العود
مستـعمر(ن) فكري وقلبي استحله
كـل المشــاعر بالمحــبة لــها تقــود
يا ويــل حــال اللــي تعــلق بطفــله
هــذي المحبـة مالها وقــت محـدود
ان طــال عمـــره او قصـــر ما تمــله
هذي الصـراحة والحقيقة لها قصـود
والشاهــد الله اللــي كتـبته بمحـله
سويت فيني سوات بعيــونك السود
وأهــداب عيـنـك والكــحل زاد ضــله
هــذي صفـاتك والخـلايق لك شهود
والضحـكة اللي بمبسمك حلوة والله
طاغي جمالك والحسن زايد(ن) زود
شــلال شعــرك مـن متـونك تــــدله
مفتون حـالي فيك والبـيت منشــود
حبــــل الوصــل ارجــوك لا لا تحـــله
هذي سوات الحـب والعـمر محــدود
نبضات(ي) قلبي بالعشق مسفهله
الله حسيــبك رب(ي) لكــل معـــبود
كــل الغــــلا يا بنــت قـــدمت كـــله
قصائد واشعار ماجد بن
حسن
