اه يا زمان

اه يا زمان

فـي راسـي نبـت شيبــي

مـــن حـزن دايـم يلاقيــني

اه يــا زمـــان(ن) عجـيبــي

هــذا هـــــمي يمــسيني

لــو يرجـــــع لــي حبيبــي

وأكحــل بشــوفــه عينــي

قبل شمس المحبة تغيبي

علـى صـدري المـه بديني

يطفي نيران تحـرق قليبي

مـن اشواق تقـتل حنيـني

تلهـــــب بصــدري لهيبــي

في ما مضـى من سنيني

اريـده لوحــــده طبــيبــــي

يــداوي جرحــي الحـزينـي

فــي هالزمــان المــريبــي

يهـدي خــوفي وينـسيـني

ويمسح دمعـي السكيبـي

مـن على خـدي ويهـديني

فــي هـالوقــــت الغــريبي

يمســـك يـــده بيـــدينــي

يـا زمـان حظـــي يخيبـــي

في شوفه حبـيب نسيني

هــذا حظــــي ونصـــــيبي

الله علـى هالــحظ يعينــي

قصائد واشعار / ماجد بن حسن

لا ما نسيتك

لا ما نسيتك

لا تحسب اني في غيابك تناسيت

لا واللــذي سـواك لا مــا نســيــتك

‏

‏أتــذكرك فـــي كل لحــظه وحنــيت

‏حنيــت لك يــوم كل عمري عطيتك

‏انت الحبيب اللي عشـقته وحـبيت

ياللي سكنت بضلاع صدري هويتك

‏لا تحسب إني فـي حياتي تسليت

لا والــذي ســواك ابـــد ما قــويتــك

‏اجفان(ي) عينـي من بعدكم ابكيت

دمـع(ن) حزين(ن) بالمـحبة بكيتــك

‏والله احـبك حــب طـاهـــر وأوفـيــت

قــدمت لك روحـي وقلـبي فديـــتك

لا تحسب إني عن محبـتك صديـت

لا والـذي ســـواك أنـــا ما جفـــيتك

يا ما نهتني الـناس عــنك وأصـريت

انــت الوحيــد اللي بحياتــي لقيتك

اسمع حبيبـي هذا هرجي وخطيت

أفــديك روحـي يا حيـاتي هــويتــك

أنا احبــك حب مــا عنـــك تخليـــت

خذ مني كل شيء لا ابد ما نهايتك

لا تحســب إني فـــي غيابك مليت

باقـي علـى عـهد المحــبة وجـيتك

قصائد وأشعار / ماجد بن حسن