وش هالفراق
وش هالفـراق اللي لـه القلـب يشتـاق
تشتـاق روحـي كل ســـاعــة ودقيــقه
يا نــور عيــني تحترق روحــي احـــراق
لـمــرنـي طيــفـك وهــذي الحــــقيــقة
وش هالـعذاب اللـي له القلـب ما طاق
يا روحي روحي روحـي فيك(ي) غريقة
اهلـي دمعـي كل مـا اذكــرك مشـتاق
اتـذكـرك فــي كــل ذكـــرى عــــتيـــقة
كل مـــا ذكرتك فـــــي مغيب وإشراق
ارفــع يــديـنـي وادعـــي رب الخــليـقه
يــا لله ترحــم مــن لهــا القلـــب تــواق
لمـن ذكــرت فـراقـــها وجــتنـي ضــيقه
يا لله تـرحـم مـن لهــا الــقــبر مـيــثـاق
وتـكـــرم نــزلــــهــا بـالـحــيـاة الانـيـقـه
يا ربـي تــجـبـر خـاطـر(ن) مـا بعـد فاق
كـل مــا ذكــرت ايـامــهــا بالــحــديـقــة
الله يــصبــر قـلـب فـاضــت بــه اشـواق
لـمـن ذكــرت الــغـاليـة امــي العـريقــة
لا ضـاقـت الـنفـس وهـمـي بالأعـمـاق
مـن هـالفـراق اللـي عـجــزنــا نــطـيقه
كـل مـا ذكرتـك يـا غـلاتـي لك اشـتـاق
تـشـتـاق روحـي كل لـحـظـة ودقـيــقه
قصائد واشعار ماجد بن حسن
